لكل بنت علي الفيس بوك ياريت تقري الرسالة دي وتفهميها قوي طبعا اكيد مش انتى البنت دي اكيد بس ياريت تبعتيها لكل بنت عندك وكل بنت علي الفيس بوك
منال بنت عندها 16 سنة دخلت الفيس بوك بسبب اصدقائها اللي قالوا انه حلو وجميل دخلت الفيس بوك وحطت صورة رومانسية عبارة عن وردو حمراء جميلة وقررت انها مش هتضيف غير اصدقائها واقاربها وبس وفعلا ده اللي حصل وبقت كل يوم بقي تحط اغانى وفيديوهات رومانسية وصور رومانسية اصلها علي كلامها بنت رومانسية قوي وبعد فترة كده لقت واحدة صاحبتها عملة تاج ليها علي صورتها وصور رحلة كانوا مع بعض فيها ولقت تعليقات ناس اصدقائهم وناس من برة وكده المهم قالت طيب اشمعنى انا قامت بدأ ت في رفع صور ليها كتير جدا جدا وبدأت بقي تقبل صداقات كل الناس ولقت الشباب بدأت تعلق ايه القمر ده ايه الجمال ده بجد بسم الله ماشاء الله عليكى قمر منور الفيس بوك وكلام من اللي انتوا عارفينه وطبعا بما انها رومانسية فده كان عجبها قوي وكل ما تسمع كلام اكتر تحط صور اكتر وتلاقي كلام احلي كل يوم وبعد فترة دخلت الفيس بوك لقت بنت ضايفة الأيميل بتاعهاواتكلمت معاها
وكان بينهم الحوار ده
منار .. هاي
مروة .. هاي
منار .. انتى مين
مروة .. انا مروة من"...." وانتى ؟
منار .. انا منار من "....."
مروة .. انا 30 سنة متزوجة وانتى
منار .. انا 16 سنة
مروة .. ياااااااااه انتى لسه صغيرة
منار ..هههههههههههه بكرة اكبر
مروة .. تعرفي يا منار انى كنت زيك كده بحط صوري وكلها حتى في البيت بس بعد فترة حصلت مصيبة
منار .. مصيبة ايه ؟
مروة .. لقيت شاب بيكلمنى وبيقولي انا لازم اقابلك قولتله انت مش محترم
قالي خلاص براحتك بس صورك دي هتبقي علي كل المنتديات وهفضحك
ولقيته بعتلي صوري فعلا عريانة وكأنها حقيقة
منار .. يانهاري طيب انا الحق اشيلهم بقي قبل ما اي حد يعمل اي حاجة
مروة .. بعد ايه بقي ما خلاص
هتقابلينى امتى يابنت انتى
وفجأة بعت ليها كل صورها وهي عريانة وكمان ايه بيكلم الناس علي اساس انه هو هي
وطبعا بما ان البنت صغيرة وشم عارفة تفكر قالتله خلاص انا هقابلك
وفعلا راحت وقابلته ولقيته انسان مش محترم خالص وطلب معاها انها تطلع معاه شقة وللأسف يا جماعة طلعت وبجد دي قصة حقيقة . ولقت معاه شباب تانيين وطبعا انتوا عارفين حصل ايه وقالتله خلاص بقي هات الصور قالها صور ايه انتى هتفضلي معانا هنا تخدمينا وفضلت لأن خوفها من اهلها كان اقوي من تفكيرها وطبعا خسرت شرفها وخافت ترجع لأهلها فقررت انها تكون مع الشباب دي وبدأو الشباب اصلا بيتاجروا فيها وتحولت من مجرد فتاة فيس بوك الي فتاة ليل وكانت جريمة قوية بس الشباب اتحاكموا ب س عشان الفناة كانت قاصر بس الحقيقة انها كانت فاهمة ومدركة خطورة اللي بتعمله
والله ده ممكن يحصلك يمكن انتى تعرفي تتصرقي تصرف تانى بس ليه اصلا صورك علي الفيس عشان تسمعي كلمة حلوة
اه لا انتى اللي كل اللي عندك بنات بس طيب اهو بنت وطلعت ولد
لا انا معنديش غير قرايبي وبس
طيب بس اعرفي ان صورك ممكن تتاخد كوبي علي الأقل صورة البروفايل
وبعدين بقي
اوعي يغرك اسم اكونت اي شاب او حتى بنت ولا صورته ولا اي شئ واوعي تثقي في اي حد مهما كان وياريت الجملة بتاعة انت اول شاب اكلمه دي منسمعهاش ولا نقولها
ومتقوليش بجد انا معرفش انا بكلمك ليه
ساعتها تأكدي انك منومة مغناطيسيا وحتى ان كان الشاب محترم انتى بتديله مجال انه يتحول
حافظى علي نفسك عشان انتى جوهرة ولازم تصونيها
قبل ما تتحولي زي منار .......واعلمو ان اهتمامي بوضع هذا الموضوع ليس الا خوفا على اي اخت من هذا الخطر وادعو الله ان يحفظكن وكل بنات المسلمين
آمين
ودمتم
4 التعليقات:
مساء العطر زهرة الراقية
وبجد نصائح من ذهب وخصوصا في مجتمع الفيس بوك الي باسمع
عنه بلاوي متلتلة مع اني ماشتركت فيه لكن الحرص مطلوب
للأسف في نفوس دنئية بتستغل وماترحمش الناس حتى لو صغار
ربنا يكفينا شرهم ويحفظنا منهم رجال ونساء
ما أجمل ان يعيش الانسان حياة كريمة وطيبة بدون
مايؤذي مخلوق يارب يحفظ بناتنا وأخواننا من كل شر
دمتم سيدتي بكل ود وطيبة
اسعد الله مساءك ريانو
ما اجمل هذا المساء بعطر حرفك فوق
صفحاتى اسعدنى تواجدك وشرفنى مرورك
فعلاً معك حق سيدى ان العالم الآن ملئ
باشياء غريبة ربنا يحفظنا جميعاً
وجميع المسلمين آمين
لك اجمل مساءاتى وصباحاتى
دمت بكل خير وود
زهرة
الأخت زهرة.....
طبعا ليس لى تعليق على كلامك برغم أننا
فى عصر الإنفتاح والنيت والأقمار والسماوات المفتوحة لكن فعلا مازال فيه
ناس سذج بينضحك عليها والحقيقة مهما تتقال أفضل بكثير من الكذب اللى مالوش رجلين لو صارحت أهلها كان أفضل لها مهما كان العقاب لن يكون مثل ماحدث لها ودى مصيبة اللى ماعندوش خبرة بالحياة وماعندوش نظرة بعيدة لما قد يحدث من تطورات مفزعة ربنا يسلم لبناتنا وزوجاتنا وأخواتنا من شر شياطين الإنس والجن
شكرا لكى على القصة
المهندس / فاروق عبد الحفيظ سحير
الشاعر المهندس : فاروق بن النيل
الاستاذ / فاروق سحير
(فاروق بن النيل)
اولاً مرحباً بك بعد غيبة اوحشتنا
فيها عطر قلمك وحرفك
ثانياً /(طبعا ليس لى تعليق على كلامك)
بالعكس استاذى فتعليقاتك كلها افادة
لنا ولغيرنا
بس فعلا ما زال موجود بيننا هذه
النمازج الساذجة نظراً لصغر سنها
لكن الراى رايك استاذى فعلاً لولم
تخشى عقاب اهلها لما حدث ذلك
وكان افضل لها مما صارت اليه حياتها
وياريت تكون العلاقة الاسرية فى
بيوتنا مبنية على الصداقة
لان لو الام صديقة لبنتها لكانت
اخبرتها كل شئ من البداية
واحب اقول آمين لدعائك (( ربنا يسلم لبناتنا وزوجاتنا وأخواتنا من شر شياطين الإنس والجن ))
اللهم آمين
اتمنى ان تكون بخير حال استاذى
وسلمك الله من كل سوء
لكَ تحياتى وسلامى
زهرة
إرسال تعليق